✨ Алаш идеясы – ұлттық рухтың темірқазығы!

✨ Алаш идеясы – ұлттық рухтың темірқазығы!
Бүгін Наурызбай ауданында білім мен тағылым тоғысқан ерекше рухани байқау өтті. Наурызбай аудандық білім бөлімінің ұйымдастыруымен Қазақ тілі мен әдебиеті және тарих пәні мұғалімдері арасында «Алаш идеясы – ұлттық идея темірқазығы» байқауының аудандық кезеңі өткізілді.

Ұлт зиялыларының мұрасын ұлықтаған 10 жұп Алаш қайраткерлерінің шығармаларын жаңа қырынан талдады.
Қазылар алқасының құрамында Абай атындағы ҚазҰПУ-дың аға оқытушылары, филология және тарих ғылымдарының кандидаттары төрелік етті.

Сайыс қорытындысы бойынша оқ бойы озық шыққан 2 жұп қалалық кезеңге жолдама алды. Әріптестерімізге сәттілік тілейміз!